Con'acentu'htremeñu
Asina, con tó muehtru acentu,
me gutta sentí la caraba
d'aquelluh que lo llevan en drentu,
d'aquelluh que l'an mamau
ende chequeninuh jahta de viejuh,
y d'aquelluh tan sentíoh
que l'ohparraman al vientu,
y asina con much'orgullo
dicen: ¡semuh ehtremeñuh!
y ehta eh la muehtra lengua
la que jué de muehtruh aguelog,
aquelluh que jicierun grandi
ehta tierra de barbechuh
con caraite y con jeitu
y que con'el suó y la su sangri
regarun ehto sueluh,
con el trebaju diariu
y condurandu'n'el recuerdu
lah cohtumbrih y la vía
lah raicig y lo sueñuh
que'nseñarun a lo suyoh
pa que jueran orgullosoh
de sentise ettremeñuh.
Pedro Javier Cáceres Carrasco (Peru)
SAN VICENTE DE ALCANTARA.
No hay comentarios:
Publicar un comentario